Որքա՞ն է կազմում ԵՄ օգնությունը Հայաստանին
Եվրամիությունը համաձայնեցրել է շրջադարձային ծրագիրը, որը կօգնի Հայաստանին դուրս բերել Ռուսաստանի ուղեծրից և աջակցել նրա տնտեսությանը տարածաշրջանում աճող լարվածության պայմաններում: Գրում է POLITICO-ն։
Այն հաջորդեց ուրբաթ օրը Բրյուսելում Եվրահանձնաժողովի նախագահ Ուրսուլա ֆոն դեր Լեյենի, ԱՄՆ պետքարտուղար Անտոնի Բլինկենի և Հայաստանի վարչապետ Նիկոլ Փաշինյանի բանակցություններին։
Եռակողմ գագաթնաժողովի արդյունքների մասին խոսելով լրագրողների հետ՝ ֆոն դեր Լեյենն ասաց, որ հաջորդ չորս տարիների ընթացքում ԵՄ-ն 270 միլիոն եվրո կհատկացնի հարավկովկասյան երկրում բիզնեսին և արդյունաբերությանը՝ որպես «նոր և հավակնոտ գործընկերության օրակարգի» մաս:
«Մենք ներդրումներ ենք իրականացնելու Հայաստանի տնտեսությունն ու հասարակությունն ամրապնդելու համար՝ դրանք դարձնելով ավելի ամուր և կայուն ցնցումների պայմաններում», — ավելացրեց նա։
«Մենք ողջունում ենք Հայաստանի ջանքերը ժողովրդավարության, կոռուպցիայի դեմ պայքարի և օրենքի գերակայության հաստատման ուղղությամբ», — ուրբաթ օրը կայացած հանդիպման շրջանակներում ասաց ԵՄ արտաքին քաղաքականության պատասխանատու Ժոզեպ Բորելը։
