Կռվախնձոր դաշնակիցների շրջանում

Shutter Stock Photos

«Մենք պետք է լուծենք ուկրաինական հացահատիկի և փոխադրողների խնդիրը, որպեսզի այն չխավարի Կիևի հետ Լեհաստանի համերաշխության ընդհանուր պատկերը», — ասել է արտգործնախարար Ռադոսլավ Սիկորսկին Մյունխենի անվտանգության համաժողովում։ Այս մասին հայտնում է լեհական լրատվամիջոցը:

«Լեհաստանն Ուկրաինային օգնող առաջատար երկրների շարքում է, բայց ֆերմերներն ու փոխադրողները այն երկու խմբերն են, որոնք ամենաանմիջական գինն են վճարում են եվրոպական համերաշխության համար»,- ասել է երկրի դիվանագիտության ղեկավարը։

«Ուստի մենք պետք է լուծենք այս խնդիրը, որպեսզի այն չխավարի լեհական համերաշխության ընդհանուր պատկերը», — ասաց նա: Ռադոսլավ Սիկորսկին մասնակցել է ԵՄ ընդլայնմանը նվիրված համաժողովին, որին մասնակցել է նաև Ուկրաինայի փոխվարչապետ Օլգա Ստեֆանիշինան։

Ոչ ոք չի հաղթում պարտվող աշխարհում

«Մենք խոսեցինք, և մի բան պարզ է. խնդիրը պետք է լուծվի»,- ասել է փոխվարչապետ Ստեֆանիշինան։ Նա նաև հավելեց, որ այս վեճում երկու կողմն էլ յուրովի ճիշտ են։

Սիկորսկին ընդգծել է, որ «դժվար է, քանի որ խնդիրը կառուցվածքային է», և «հանգամանքների ճնշման ներքո է Ուկրաինան ընդունվել  միասնական շուկա՝ առանց որևէ պայմանի կամ անցումային շրջանի»։

Նախարար Սիկորսկին նշել է, որ ԵՄ-ում կա «ազնիվ մրցակցություն» այն հարցի շուրջ, թե ով է ամենաշատը աջակցում Ուկրաինային, և Լեհաստանը, որն ընդունել է ավելի քան մեկ միլիոն ուկրաինացի փախստականների և աջակցում է երկրին ռազմական և ֆինանսապես, ««ձգտում է ձեռք բերել նման դաշնակցի կոչում»։