Աննախադեպ օգնություն
Ուկրաինային արևմուտքի աջակցությունը փոքր է, եթե համեմատում ենք Երկրորդ համաշխարհային պատերազմից հետո Եվրոպայի վերականգնման ԱՄՆ-ի ծրագրին, ասել է բարձրագույն պետական վարկատուի ղեկավարը: Գրում է POLITICO-ն։
Վերակառուցման և զարգացման եվրոպական բանկի (ՎԶԵԲ) ղեկավար Օդիլ Ռենո-Բասոն Ուկրաինային արևմտյան աջակցությունը բնութագրեց որպես «հսկայական»՝ չնայած վերջին քննադատությանը, որ Կիևի դաշնակիցները բավականաչափ չեն արել պատերազմից ավերված երկրին աջակցելու համար:
ԵՄ առաջնորդները նույնպես ենթարկվում են ճնշման Կիևի կողմից՝ օգտագործելու ավելի քան 200 միլիարդ եվրո արժողությամբ ռուսական ակտիվները, որոնք սառեցվել են Եվրոպայում։
Ոչ ոք չի հաղթում պարտվող աշխարհում
«[ԵՄ ֆինանսական օգնությունը] իրականում շատ ավելի մեծ է, քան Երկրորդ համաշխարհային պատերազմից հետո Մարշալի ցանկացած պլան՝ ՀՆԱ-ի աջակցության տոկոսի առումով», — ասել է Ռենո-Բասոն POLITICO-ին։
Ֆրանսիացի պաշտոնյան վկայակոչում էր խոշոր ներդրումային պլանը, որը կապված է ԱՄՆ նախկին պետքարտուղար Ջորջ Մարշալի հետ՝ 1940-ականների վերջին 16 երկրների, հիմնականում Արևմտյան Եվրոպայի, վերակառուցմանն աջակցելու համար:
Բրյուսելն ու Վաշինգտոնը եղել են Ուկրաինայի ամենամեծ ֆինանսական աջակիցներն են եղել հակամարտության ընթացքում՝ 2022 թվականի փետրվարից մինչև նախորդ տարվա վերջ համապատասխանաբար տրամադրելով 27,5 և 22,9 միլիարդ եվրո:
«Այն փաստը, որ նրանք [Ուկրաինան] ստացել են իրենց բյուջեի 50 տոկոսը արտաքին աջակցությամբ, հսկայական է», — ասել է Ռենո-Բասոն:
Բրյուսելն ու Վաշինգտոնը վերջերս լուրջ դիմադրության են բախվել իրենց ազգային բյուջեներից Ուկրաինային ֆինանսավորելու հարցում:
Ռենո-Բասոն հերքել է Ուկրաինայի որոշ կողմնակիցների քննադատությունն այն մասին, որ ԵՄ-ի օգնության փաթեթը շատ չէ է՝ համեմատած դաշինքի յոթնամյա 1,074 տրիլիոն եվրոյի բյուջեի հետ:
ԵՄ առաջնորդները պետք է ընթանան Ուկրաինային աջակցելու և ներքին առաջնահերթությունների ֆինանսավորման արանքով, ասել է նա:
Զարգացման բանկը ավելացրել է իր կապիտալը 4 միլիարդ եվրոյով, որպեսզի ուժեղացնի աջակցությունն Ուկրաինային՝ առանց այլ ծրագրերի կրճատման, ասել է Ռենո-Բասոն: ՎԶԵԲ-ն արդեն 3,8 միլիարդ եվրո է տրամադրել Ուկրաինային պատերազմի սկսվելուց ի վեր վարկերի տեսքով և պարտավորվել է մեծացնել աջակցությունը, երբ հակամարտությունն ավարտվի:
