«Ոչ մեկի ձեռքերը մաքուր չեն»
Նախկին նախագահ Բարաք Օբաման նախազգուշացրել է, որ չանտեսեն Իսրայել-Համաս պատերազմի բարդությունները՝ զգուշացնելով, որ «մենք բոլորս մեղսակից ենք»: Այս մասին գրում է POLITICO-ն։
«Եթե ուզում ես խնդիրը լուծել, ուրեմն պետք է ողջ ճշմարտությունն ընդունել։ Եվ դուք պետք է խոստովանեք, որ ոչ ոքի ձեռքերը մաքուր չեն, որ մենք բոլորս որոշ չափով մեղսակից ենք», — ասաց նա Pod Save America-ին տված հարցազրույցում, որը հրապարակվել է շաբաթ օրը:
Նախկին նախագահը պնդում էր, որ կարևոր է ընդունել բազմաթիվ թվացյալ հակասական ճշմարտություններ. ՀԱՄԱՍ-ի գործողությունները «սարսափելի» էին, բայց «օկուպացիան և այն, ինչ կատարվում է պաղեստինցիների հետ», նույնպես «անտանելի էին»:
Օբաման ավելի վաղ խոսել էր հակամարտության մասին՝ հայտարարելով, որ Իսրայելի ցանկացած գործողություն, որն անտեսում է ՀԱՄԱՍ-ի դեմ պատերազմի մարդկային գինը, «ի վերջո կարող է հակառակ արդյունք տալ»:
Որպես նախագահ, Օբաման սառը հարաբերություններ ուներ Իսրայելի վարչապետ Բենիամին Նեթանյահուի հետ։
Նախագահ Ջո Բայդենը վճռականորեն աջակցել է Իսրայելին ՀԱՄԱՍ-ի դեմ պատերազմում` տրամադրելով զգալի ռազմական օգնություն: Այնուամենայնիվ, վարչակազմը վերջերս հումանիտար դադարների կոչ արեց և նախազգուշացրեց պաղեստինցի խաղաղ բնակիչներին մեծ վնաս հասցնելուց:
Նախկին նախագահ Ջորջ Բուշ կրտսերը վերջին տեսանյութում իրեն բնութագրել է որպես «կոշտ գծի կողմնակից» և ասել. «Իմ տեսակետն է․ մի կողմն է մեղավոր: Եվ դա Իսրայելը չէ»: Բուշը նախազգուշացրել է, որ մարտերը «տգեղ» են լինելու, սակայն պաշտպանել է Իսրայելի իրավունքը՝ հակահարված տալու ՀԱՄԱՍ-ի դեմ:
Նախկին նախագահ Բիլ Քլինթոնը ՀԱՄԱՍ-ի սկզբնական հարձակումից հետո գրառում է կատարել սոցցանցերում և դատապարտել պաղեստինյան զինյալների խմբավորմանը, սակայն դրանից հետո նա քիչ բան է ասել: Գրառման մեջ Քլինթոնը գրել է, որ «Հիմա ժամանակն է, որ աշխարհը համախմբվի ահաբեկչության դեմ և աջակցի իսրայելական ժողովրդավարությանը: Ես կանգնած եմ Իսրայելի կառավարության և բոլոր իսրայելցիների կողքին և կոչ եմ անում նրանց միասին կանգնել»:
