Իտալացի Բեռլուսկոնին մահացել է 86 տարեկանում
Միլանում 86 տարեկան հասակում մահացել է քաղաքական գործիչ և Իտալիայի նախկին վարչապետ Սիլվիո Բեռլուսկոնին։ Այս մասին գրում է AL JAZEERA-ն:
Աջ առաջնորդը, ծնված Միլանում 1936 թվականի սեպտեմբերի 29-ին, լայնորեն հայտնի էր իր սկանդալներով, բայց նաև փոխակերպեց իտալական քաղաքականությունը: Նրա գերակայությունը ընտրական ոլորտում ազդել է իտալացիների մի սերնդի հայացքների վրա։
Հաճախ համեմատելով ԱՄՆ նախկին նախագահ Դոնալդ Թրամփի հետ՝ Բեռլուսկոնին իր առաջին հարստությունը ձեռք բերեց անշարժ գույքի և շինարարության ոլորտում, այնուհետև կամաց-կամաց ընդլայնեց, հատկապես զանգվածային լրատվամիջոցների աշխարհում:
1970-ականների վերջին և 1980-ականներին նա կառուցեց մեդիա կայսրություն: Այն ներառում էր հրատարակչություն և հանրահայտ կաբելային հեռուստատեսային ցանց՝ Mediaset, որը ճանաչվել է Իտալիայի պետական հեռուստատեսության ամենամեծ մրցակիցը:
1986 թվականին նա գնեց հայտնի «Միլան» ֆուտբոլային ակումբը՝ փրկելով որոշակի սնանկացումից։
Սակայն միայն 1994 թվականին «Ասպետը» (Բեռլուսկոնիի հայտնի մականունը), մտավ իտալական քաղաքականության տիրույթ:
Աջակողմյան նոր կուսակցության`Forza Italia-ի (Առաջ Իտալիա) հիմնադրմամբ իտալական քաղաքականության նոր դարաշրջան սկսվեց, և Բեռլուսկոնին նույն տարում ապահովեց իր առաջին ընտրությունը որպես վարչապետ:
«Նա դարձավ Իտալիայի պատմական նոր փուլի խորհրդանիշը, որտեղ քաղաքականությունն այլևս ձևավորվում է ոչ թե կուսակցություններով, այլ միայնակ, ուժեղ կերպարներով», — ասում է Հռոմի Luiss կառավարման դպրոցի տնօրեն Ջովաննի Օրսինան( Giovanni Orsina):
«Բեռլուսկոնին իտալական գովազդային հեռուստատեսության ոսկե դարաշրջանի արդյունք է»:
Չնայած Բեռլուսկոնիի առաջին մանդատը տևեց ընդամենը մեկ տարի, քանի որ նրան մեղադրում էին խարդախության մեջ և քննադատում իտալական լրատվամիջոցների նկատմամբ վերահսկողության համար, նա պահպանեց իր քաղաքական իշխանությունը:
Տնտեսական աճի մասին նրա խոստումները գրավեցին նոր ընտրողներ, ինչը նրան առաջնորդեց կրկին հաղթել ընտրություններում 2001 և 2008 թվականներին:
Նա իշխանության ղեկին մնաց մինչև 2011 թվականի վերջը, երբ նա հրաժարական տվեց այն իրադարձությունից հետո, երբ կորցրեց խորհրդարանի վստահությունը:
2018 թվականի ազգային կառավարության ընտրությունները հանգեցրին պոպուլիստական հաղթանակի, որտեղ Movimento 5 Stelle (Հինգ աստղերի շարժում) և Lega Nord-ը կոալիցիա կազմեցին, իսկ Մաթեո Սալվինին հայտնվեց որպես ծայրահեղ աջերի նոր առաջնորդ:
Բեռլուսկոնին շարունակեց հետապնդել իր քաղաքական նպատակները՝ առաջ մղելով ԵՄ-ամետ օրակարգ իր վերջին շրջանում:
2019 թվականին 83 տարեկան հասակում (որովայնի նուրբ վիրահատությունից հետո) ընտրվել է Եվրախորհրդարանի պատգամավոր։
«Եվրոպական ընտրությունները կարևոր փուլ էին Forza Italia-ի համար և բերեցին նոր հնարավորություններ՝ միաժամանակ հաստատելով Բեռլուսկոնիի կուսակցությանը որպես դեռևս աջ կենտրոնամետների հենարան», — բացատրեց Forza Italia-ի օրենսդիր Ալֆիո Պապալեն(Alfio Papale):
Վերջին տարիներին, երբ նա պայքարում էր` ակտուալ մնալու Իտալիայի հետքովիդյան քաղաքական ոլորտում, նրա առողջական վիճակը սկսեց վատթարանալ:
2020 թվականի սեպտեմբերի սկզբին նա վարակվեց վիրուսով և այդ ժամանակվանից պարբերաբար հոսպիտալացվում էր։
Ընդհանուր առմամբ, նա դեռ կհիշվի իտալական հազարամյակների սերունդ ձևավորելու համար:
