Գերմանիայում խնդիր է առաջանում
Նախորդ տարիներին գերմանական գազի ներկրման մոտավորապես կեսը գալիս էր Ռուսաստանից։ Քանի որ այս հոսքերը զգալիորեն կրճատվել են, և հեղուկ բնական գազ (LNG) ներկրելու հնարավորություն չկա, 20% խնայողությունների թիրախը վտանգի տակ է: Գրում է EURACTIVE-ը:
«Ներկայումս ընդհանուր խնայողությունները կազմում են ընդամենը 13 տոկոս», — երկուշաբթի (դեկտեմբերի 12) Tagesspiegel-ին ասաց գերմանական ցանցային գործակալության ղեկավար Կլաուս Մյուլերը:
«Եթե սա մնում է արտառոց, մենք դեռ չպետք է անհանգստանանք: Բայց առաջիկա օրերին ցուրտ է լինելու»,- հավելեց նա։ Բացի այդ, մեղմ եղանակի հեռանկարները, և, հետևաբար, գազի պահանջարկի նվազումը գնալով ավելի անհավանական են թվում:
Երկարատև ցուրտը կարող է հանգեցնել գազի սպառման աճի: «-10ջերմաստիճանի դեպքում գազի սպառումը կտրուկ աճում է», — զգուշացրեց նա: «Ուստի կարևոր է, որ մենք չթուլացնենք գազը խնայելու և տոկունություն ցուցաբերելու մեր ջանքերը ամբողջ ձմեռվա ընթացքում», — ընդգծել է Մյուլերը:
Առայժմ Գերմանիայում գազիպաշարները դեռ 95%-ով լցված են։ Բայց երբ ամենամեծ մատակարարը չկա, Բեռլինը պետք է ապավինի լողացող LNG տերմինալներին, որոնք դեռ պետք է գործարկվեն` մասամբ դաժան եղանակի պատճառով, որը դանդաղեցնում է աշխատանքները:
«Այժմ մենք գազ ենք ստանում տարբեր աղբյուրներից, շուտով կունենանք հեղուկ գազի երեք տերմինալներ՝ Նորվեգիայից և Հոլանդիայից, Բելգիայով և նաև Ֆրանսիայի տարածքով. մենք լավ մատակարարված ենք», — բացատրեց Մյուլերը: Ի տարբերություն նախորդ տարիների, Գերմանիան և Ֆրանսիան փոխեցին դերերը: Նախկինում Բեռլինը գազ էր ուղարկոիմ Ֆրանսիա միջուկային էլեկտրաէներգիայի դիմաց, իսկ հիմա իրավիճակը այլ է:
