Հունաստանը պատրաստ է «բարեկամության ձեռք մեկնել» Թուրքիային. Միցոտակիս
Հունաստանը պատրաստ է «բարեկամության ձեռք մեկնել» Թուրքիային, ասել է Հունաստանի վարչապետ Կիրիակոս Միցոտակիսը` միաժամանակ մեղադրելով Թուրքիայի նախագահին հայրենիքում հակահունական տրամադրություններ սրելու մեջ: Գրում է AL JAZEERA-ն։
Լարվածությունը սրվել է ՆԱՏՕ-ի երկու դաշնակիցների միջև, որոնք բաժանված են մի շարք հարցերի շուրջ և վերջին 50 տարվա ընթացքում երեք անգամ հասել են պատերազմի շեմին:
«Իմ ցանկությունն է, որ նույնիսկ ուշացումով մեր հարևանները ընտրեն դեէսկալացիայի, օրինականության, խաղաղ գոյակցության ճանապարհը՝ առանց հռետորական պոռթկումների, բայց կառուցողական գործողություններով», — ասել է Միցոտակիսը հինգշաբթի Աթենքում Գերմանիայի կանցլեր Օլաֆ Շոլցի հետ հանդիպումից հետո։
«Իմ կողմից նրանք ինձ միշտ պատրաստ կգտնեն բարեկամության ձեռք մեկնելու: Մենք լարվածության հետագա անհարկի աղբյուրների համար տեղ չունենք»,- ասել է Միցոտակիսը` հավելելով, որ տարաձայնությունները պետք է լուծվեն խաղաղ ճանապարհով:
«Դա այն է, ինչ ուզում է մեր ժողովուրդը, դա այն է, ինչ ուզում է հույն ժողովուրդը, դա այն է, ինչ ուզում է թուրք ժողովուրդը, դա է ուզում ամբողջ Եվրոպան»:
«Չպետք է այնպես լինի, որ ՆԱՏՕ-ի գործընկերները կասկածի տակ դնեն միմյանց ինքնիշխանությունը», — ասաց Շոլցը կարճատև համատեղ ասուլիսում Միցոտակիսի հետ հանդիպումից հետո: «Բոլոր հարցերը պետք է լուծվեն երկխոսության միջոցով և միջազգային իրավունքի հիման վրա։ Եվ մենք ավելին քան համաձայն ենք այդ հարցում»։
Գերմանիայի կանցլերն ասել է, որ «բոլոր հարևանների շահերից է բխում Միջերկրական ծովի տնտեսական ներուժն օգտագործել «ի շահ իրենց բնակչության: Զրույցումս տպավորություն ստացա, որ Հունաստանը շատ պատրաստ է դա անել։ Եվ մենք կարող ենք և պետք է վստահություն ունենանք դրանում»։
