Մենք ուժեղ բանակ ենք ուզում, և միայն մեկ երկիր է համարվում «իրական» դաշնակից

Հարցվածների ավելի քան 63%-ը դրական է գնահատում Լեհաստանի պաշտպանության նախարարության՝ զինվորականների թվի ավելացման ծրագրերը։ Այնուամենայնիվ, ոչ բոլորն են ցանկանում լրջորեն ներդրումներ կատարել դրանում: Հետաքրքիր է նաև, թե ում են դաշնակից համարում լեհերը։ Այս մասին գրում է լեհական լրատվամիջոցը։

Ըստ Dziennik Gazeta Prawna-ի և RMF FM-ի վերջին United Surveys-ի, 300,000-անոց բանակ ստեղծելու ծրագրերը հավանում են ինչպես PiS («Օրենք և արդարություն»)-ի ընտրողները, այնպես էլ ընդդիմության կողմնակիցները:

Մինչ իշխող կուսակցության ընտրողների մեծամասնությունը այն կարծիքին է, որ «մենք պետք է դա անենք, նույնիսկ եթե դա նշանակում է կրճատել ծախսերը այլ նպատակների համար կամ նոր պարտքեր», ընդդիմության հինգ կողմնակիցներից գրեթե երեքը դեմ են դրան:

Հարցումը բարձրացրել է նաև Լեհաստանի ռազմական գլխավոր դաշնակիցների հարցը։ Հարցվածների գրեթե երեք քառորդը նշել է ԱՄՆ-ը, իսկ PiS-ի օգտին քվեարկածների շրջանում դա հսկայական 95% է:

5%-ը նշել է Մեծ Բրիտանիան, 2%-ից մի փոքր ավելին՝ Գերմանիա և Ուկրաինա: Ոչ ոք չի հիշատակել Ֆրանսիան, հայտնում  է DGP-ն։