Պատգամավորական մանդատների բաշխումը՝ ըստ ԱԺ ընտրությունների նախնական արդյունքների
Դեկտեմբերի 9-ին տեղի ունենան ՀՀ Ազգային ժողովի արտահերթ ընտրություններ, որ գարնանն իրականացված «սիրո և համերաշխության հեղափոխության» վերջնական ինստիտուցիոնալ ամրագրման քայլն էր։
Ընտրությունների ընդհանուր պատկերը․
Ընտրողների թիվը 2․574․916-ն էր, որից ընտրություններին մասնակցեցին 1․260․840 քաղաքացի կամ ընտրողների 48,63 տոկոսը (2017 թ․ ապրիլի 2-ի խորհրդարանական ընտրություններին մասնակցությունը կազմել է 60,86 տոկոս)։
Ընտրապայքարին մասնակից 11 քաղաքական ուժերից անցողիկ շեմը հաղթահարեցին 3 կուսակցություն։
Քվեարկության նախնական արդյունքները հետևյալն են․
- «Իմ քայլը» դաշինք – 884․456 (70.43%)
- «Բարգավաճ Հայաստան» — 103․824 (8,27%)
- «Լուսավոր Հայաստան« — 80․024 (6,37%)
- «Հանրապետական» — 59.059 (4.7%)
- «Հ․ Յ․ Դաշնակցություն» — 48.811 (3.89%)
- «Մենք» դաշինք – 25․174 (2%)
- «Սասնա ծռեր» — 22․862 (1,82%)
- «Օրինաց երկիր» — 12․389 (0,99 %)
- «Քաղաքացու որոշում» — 8․530 (0,68%)
- «Քրիստոնեա-ժողովրդական վերածնունդ» — 6.456 (0,51%)
- «Ազգային Առաջընթաց» — 4.122 (0,33%)
Պատգամավորական մանդատների նախնական բաշխումը․
Պատգամավորական մանդատների նախնական բաշխմամբպատկերը հետևյալն է (ՀՀ ընտրական օրենսգիրք, հոդված 95․5)․
- «Իմ քայլը» դաշինք – 84 մանդատ
- «Բարգավաճ Հայաստան» — 10 մանդատ
- «Լուսավոր Հայաստան« — 7 մանդատ
Սրան ավելացվում է նաև ազգային փոքրամասնությունների ներկայացուցիչներին տրամադրվող 4 մանդատները, որոնք բոլորը բաժին կհասնեն «Իմ քայլը» դաշինքին։
Այդպիսով նախքան լրացուցիչ մանդատների բաշխումը «Իմ քայլը» դաշինքը կունենա 88 մանդատ՝ 105-ից պատգամավորական տեղերից, որը կազմում է մանդատների 83,8 տոկոսը։
Լրացուցիչ մանդատների բաշխումը․
Մյուս կուսակցությունները ստանում այնքան լրացուցիչ մանդատներ, որ ապահովեն Ազգային ժողովի պատգամավորական տեղերի մեկ երրորդից ավելին։ Արդյունքում 7-րդ գումարման Ազգային ժողովը կունենա 132 պատգամավոր, այսինքն երկրորդ և երրորդ կուսակցությունը կստանան թվով 28 լրացուցիչ մանդատներ, որոնք կբաշխվեն հետևյալ կերպ․
«Բարգավաճ Հայաստան» — 16 լրացուցիչ մանդատ
«Լուսավոր Հայաստան» — 12 լրացուցիչ մանդատ
Պատգամավորական մանդատների վերջնական բաշխումը․
Այդպիսով՝ խմբակցությունների պատգամավորների թիվը կլինի հետևյալը․
1․ «Իմ քայլը» դաշինք – 88 մանդատ
2․ «Բարգավաճ Հայաստան» — 26 մանդատ
3․ «Լուսավոր Հայաստան« — 19 մանդատ
Այս մանդատները նաև բաժանվելու են ըստ հանրապետական և տարածքային ցուցակների, որոնց արդյունքները պարզ կլինեն առաջիկայում։