Ռուսաստանի կողմից միջուկային զենք օգտագործելու ռիսկն առայժմ նվազել է․Շոլց
«Ռուսաստանը դադարեցրել է միջուկային զենքի կիրառման սպառնալիքները, որպես արձագանք միջազգային հանրության՝ կարմիր գիծ նշելուն»,- հարցազրույցում նշել է Գերմանիայի կանցլեր Օլաֆ Շոլցը։ Այս մասին հայտնում է REUTERS գործակալությունը։
Չնայած խորը տարաձայնություններին, կարևոր է, որ Կրեմլի հետ երկխոսությունը շարունակվի, հավելել է Գերմանիայի ղեկավարը։
Պաշտպանելով Գերմանիայի աջակցությունն Ուկրաինային, որը Կիևում և Եվրոպայի այլ վայրերում քննադատների կարծիքով չափազանց զուսպ է եղել, Շոլցն ասաց, որ Միացյալ Նահանգներից հետո Գերմանիան Ուկրաինայի ամենամեծ աջակիցներից մեկն է, այդ թվում՝ զենքի մատակարարմամբ:
«Մենք անում ենք ամեն ինչ, որպեսզի թույլ չտանք Ռուսաստանի և ՆԱՏՕ-ի միջև ուղիղ պատերազմը: Նման հակամարտությունը միայն պարտվողներ կունենա ամբողջ աշխարհում»,- ասել է նա:
Շոլցն ասաց, որ ակնկալում է, որ Եվրոպայի ամենամեծ տնտեսությունը լավ կանցնի ձմեռը, կմնա ուժեղ և հաջողակ արդյունաբերական երկիր, քանի որ այն նվազեցնում է իր կախվածությունը ռուսական էներգիայից:
«Մենք այժմ անհրաժեշտ որոշումներ ենք կայացնում երկարաժամկետ հեռանկարում անկախանալու համար: 2045 թվականից սկսած մենք ցանկանում ենք լինել ամբողջովին կլիմայական չեզոք և արտադրել մեր էներգիան ամբողջությամբ առանց բնական գազի, ածուխի կամ նավթի», — ասաց նա:
