ՆԱՏՕ գլխավոր քարտուղարի այցը տարածաշրջան

ՆԱՏՕ-ի գլխավոր քարտուղար Յենս Ստոլտենբերգը կիրակի օժամանել է Սարաևո՝ սկսելով մինի շրջագայությունը Արևմտյան Բալկանյան չորս երկրներում, որոնցից երեքը ռազմական դաշինքի անդամ չեն և համարվում են անվտանգության հնարավոր վտանգներ: Այս մասին գրում է EURACTIV-ը:

Բոսնիա և Հերցեգովինան ՆԱՏՕ-ին անդամակցության գործողությունների ծրագրում է 2010 թվականից: Այնուամենայնիվ, երկիրը կոնկրետ քայլեր չի ձեռնարկել անդամակցության ուղղությամբ:

2022 թվականին Ուկրաինա Ռուսաստանի ներխուժման և Եվրոպայում անվտանգության փոփոխված միջավայրի լույսի ներքո ՆԱՏՕ-ն մեծացրել է իր աջակցությունը Բոսնիային և 2023 թվականին հաստատել է Պաշտպանական կարողությունների զարգացման նոր փաթեթը երկրի համար:

Կիրակի Բոսնիա և Հերցեգովինայի հավաքական նախագահության բոսնիացի, խորվաթ և սերբ անդամների հետ հանդիպելուց հետո Ստոլտենբերգը երկուշաբթի կմեկնի Կոսովո՝ Սերբիայի նախկին նահանգը, որը անկախություն է հռչակել 2008 թվականին և դեռ հսկվում է ՆԱՏՕ-ի գլխավորած խաղաղապահ զորքերի՝ KFOR-ի կողմից:

Այցը տեղի է ունենում քաղաքական բանակցությունների խափանումից և Սերբիայի և Կոսովոյի միջև վերջին ամիսներին լարվածության աճից հետո:

Երեքշաբթի Ստոլտենբերգը կմեկնի Սերբիա — երկիր, որը ՆԱՏՕ-ն ռմբակոծել է 1999 թվականին՝ կասեցնելու Կոսովոյում ալբանացիների էթնիկ զտումները: Թեև Բելգրադն այդ ժամանակվանից իր հայացքն ուղղել է ԵՄ անդամակցությանը, հայտարարել է, որ ռազմական դաշինքին միանալը իր ռազմավարական նպատակը չէ: Այն նաև մինչ այժմ հրաժարվել է հաստատել Մոսկվայի դեմ պատժամիջոցները:

Ցուցակում վերջինը Հյուսիսային Մակեդոնիան է, որը ՆԱՏՕ-ին անդամակցել է 2022 թվականին։

N1-ի փոխանցմամբ՝ Ստոլտենբերգը չորեքշաբթի հանդիպում կունենա տարածաշրջանի ղեկավարների հետ, այդ թվում՝ ՆԱՏՕ-ի անդամ Ալբանիայի և Չեռնոգորիայի, ինչպես նաև ՆԱՏՕ-ի և ԵՄ անդամ Խորվաթիայի և Սլովենիայի ղեկավարների հետ։