Կադաստրի կոմիտեն խոչընդոտում է սոցիալական բնակարանաշինության նախագծի իրագործմանը

“Համահայկական կոնգրես” բարեգործական կոնսորցիումի ղեկավար Արմեն Բադալյանը ներկայացնում է որոշ պաշտոնյաների կողմից “Էկոավանների կառուցապատման ծրագրի” իրագործումը խոչընդոտելու մանրամասնությունները։

Բարեգործական կոնսորցիումի կողմից Աշտարակ համայնքի Սասունիկ բնակավայրում իրականացվում է սոցիալական բնակարանաշինության ծրագիր (“Դրոշ էկոավան”)։ Ծրագրի մանրամասնությունները տես․ https://american.ecotown.am/ կայքում։ “Դրոշ էկոավանը” կառուցվելու է որպես ՄԱԿ-ի կայուն զարգացման նպատակներին համահունչ զարգացող թաղամասը՝ ունենալով հստակ սոցիալական ուղղվածություն և բնակարանով ապահովելով այն ընտանիքներին, որոնք ունեն դրա հույժ անհրաժեշտությունը։ Դրամաշնորհային ծրագրի շահառուները հնարավորություն ունեն ձեռք բերելու սեփական բնակարան շուկայական արժեքից եռակի անգամ մատչելի գնով, առանց վարկավորման, հավելյալ տոկոսների՝ մաս-մաս վճարման հնարավորությամբ։ Այլ պայմաններում շահառուներից շատերը, հաշվի առնելով անշարժ գույքի շուկայի ներկա պայմանները, սեփական բնակարան ունենալու հնարավորություն չէին ունենա։

“Համահայկական կոնգրես” բարեգործական կոնսորցիումի կողմից ձեռք է բերվել հողատարածքները, որտեղ պետք է իրականացվի էկոավանի կառուցապատումը։ Հողատարածքները գյուղատնտեսական նշանակության են, սակայն դրանց գյուղատնտեսական օգտակար գործողության գործակիցը նվազագույն է՝ հաշվի առնելով տեղանքն ու ընդհանուր պայմանները։

2024 թվականի հունիսի 13-ին կոնսորցիումի անդամները հողատարածքների կարգավիճակի փոփոխության համար փաստաթղթերի փաթեթը մուտք են արել Աշտարակի համայնքապետարան, որն այնուհետ ուղղվել է պատասխանատու 11 գերատեսչություններ, որոնցից միայն մեկը՝ Կադաստրի կոմիտեն է բացասական պատասխան տվել։

Տեսանյութում ծրագրի ղեկավար Արմեն Բադալյան ներկայացնում է Կադաստրի կոմիտեի կողմից առաջ բերված խոչընդոտների ենթադրվող պատճառները․