Լեհաստանը տանկեր արտահանելու թույլտվություն է հայցում Գերմանիայից
Գերմանիայի կառավարությունը BBC-ին հայտնել է, որ երեքշաբթի օրը ստացել է գերմանական արտադրության 14 տանկ արտահանելու խնդրանքը։ Վերջինս, սակայն, պնդել է, որ վերջնական որոշումը կանցլեր Օլաֆ Շոլցինն է:
Ուկրաինան տանկերը կարևոր է համարում՝ ռուսական գծերը ճեղքելու և սպասվող հակահարձակումը հաղթահարելու համար:
Leopard 2 տանկերը հատուկ նախագծված էին ռուսական T-90 տանկերի հետ մրցակցելու համար։
Սակայն արտահանման օրենքները նշանակում են, որ ցանկացած երկիր, որը ցանկանում է տանկեր ուղարկել, պետք է ունենա Բեռլինի թույլտվությունը:
Լեհաստանի վարչապետ Մատեուշ Մորավիեցկին ասել է, որ հույս ունի, որ Գերմանիան արագ կպատասխանի խնդրանքին և մեղադրեց Գերմանիային «ձգձգելու, խուսանավելու և դժվար հասկանալի ձևով գործելու մեջ»:
Նա նաև ասել է, որ Լեհաստանը կխնդրի Եվրամիությանը փոխհատուցել տանկերի արժեքը, որը ցանկանում է ուղարկել Ուկրաինա:
Գերմանիան տատանվում էր ուղարկել դրանք կամ թույլ տալ, որ մյուս երկրները նույնն անեն, քանի որ իր մտահոգություններից մեկն այն է, որ հանկարծակի քայլը կարող է էլ ավելի սրել հակամարտությունը Ռուսաստանի հետ:
Երեքշաբթի Գերմանիայի պաշտպանության նախարար Բորիս Պիստորիուսը հայտարարել է, որ Բեռլինը դաշնակից երկրներին կանաչ լույս է տվել՝ ուսուցանելու ուկրաինացիներին Leopard 2 տանկեր օգտագործելու համար, սակայն չի պարտավորվել ուղարկել իրենցը։
Պարոն Պիստորիուսն ասաց, որ տանկերի մատակարարման մասին որոշում կկայացվի շուտով։ Զինված ուժերի շտաբի պետը հավելել է, որ ցանկացած որոշում կընդունվի քաղաքական մակարդակով։
«Մենք խրախուսում ենք մեր գործընկերներին, եթե նրանք ցանկանում են, և եթե նրանք հնարավորություն ունեն, սկսել ուսուցանել ուկրաինական ուժերին այս Leopard մեքենաների վրա», — ասաց պարոն Պիստորիուսը ՆԱՏՕ-ի գլխավոր քարտուղար Յենս Ստոլտենբերգի հետ մամուլի ասուլիսում:
Դաշնակից երկրները հիասթափվել են զրահատեխնիկա ուղարկելու գերմանական դժկամությունից վերջին օրերին :
Երեքշաբթի ելույթ ունենալով Լեհաստանի պաշտպանության նախարար Մարիուշ Բլաշչակը հայտարարել է, որ կոչ է անում Գերմանիային «Leopard 2 տանկերով միանալ Ուկրաինային աջակցող երկրների կոալիցիային»։
«Սա մեր ընդհանուր գործն է, քանի որ վտանգի տակ է ողջ Եվրոպայի անվտանգությունը»,-ավելացրել է նա:
Երեքշաբթի Լիտվայի նախագահ Գիտանաս Նաուսեդան Լեհաստանի նախագահ Անդրեյ Դուդայի հետ հանդիպումից հետո հայտարարել է, որ Լեհաստանը վճռական է սեփական տանկերն Ուկրաինա ուղարկելու հարցում։
«Ափսոս, որ երբեմն տեղի է ունենում բոլորովին անհարկի ձգձգումներ, քանի որ մենք կարող էինք որոշումներ կայացնել ավելի շուտ : Լեհական կողմը շատ է ցանկանում նման աջակցություն ցուցաբերել», — ասաց պարոն Նաուսեդան:
Պարոն Պիստորիուսը, սակայն, պաշտպանեց Գերմանիայի կանցլեր Օլաֆ Շոլցին քննադատությունից
