Ներկայացնում ենք ֆիզիկական անձանց և անհատ ձեռնարկատերերի կողմից Հայաստանի բանկերի միջոցով արտասահմանից ստացված և արտերկիր փոխանցված բոլոր միջոցների վերաբերյալ տեղեկատվությունը, ներառված է նաև առանց բանկային հաշվի բացման դրամական փոխանցումները:

2004-2016 թվականներին դեպի Հայաստան տարեկան միջինում փոխանցվել է 1 մլրդ 690 մլն դոլար, այդ թվում Ռուսաստանից՝ միջինում 1 մլրդ 124 մլն դոլար, ԱՄՆ—ից՝ միջինում 158 մլն դոլար: Իսկ Հայաստանից փոխանցվող գումարը միջինում կազմել է 810 մլն դոլար, այդ թվում դեպի Ռուսաստան՝ 201 մլն դոլար և ԱՄՆ՝ 115 մլն դոլար:

Դեպի Հայաստան ամենամեծ թվով դրամական փոխանցումները եղել են 2012-2014 թվականներին և նախաճգնաժամային 2008 թվականին՝ գերազանցելով տարեկան 2 մլրդ դոլարը (Հայաստանի ՀՆԱ-ի մոտ 20 տոկոսի չափով):

2004-2016 թվականներին ընդհանուր առմամբ Հայաստան է փոխանցվել գրեթե 22 մլրդ դոլար, որի երկու երրորդը (66,5 տոկոսը) միայն Ռուսաստանից (14,6 մլրդ դոլար): Վերջին երկու տարում արևմտյան պատժամիջոցների հետևանքում Ռուսաստանից Հայաստան փոխանցումները զգալիորեն կրճատվել են («Առևտրային պատերազմ». Հայաստանի տնտեսությանը վերահաս հարվածի անխուսափելիությունը):

2017 թվականի առաջին կեսին արձանագրվել է տրանսֆերտների որոշակի աճ, վեց ամսում Հայաստան է փոխանցվել 725 մլն դոլար՝ նախորդ տարվա նույն ժամանակահատվածում փոխանցվել էր ընդամենը 622 մլն դոլար: Աճել են նաև Ռուսաստանից կատարվող փոխանցումները, եթե 2016 թվականի առաջին կեսին Հայաստան էր փոխանցել 354 մլն դոլար, ապա այս տարի՝ 409 մլն դոլար:

ՀՀ Կենտրոնական բանկի տվյալներով դրամական փոխանցումների ընդհանուր պատկերը հետևյալն է (հազար դոլար).

Քաղաքագետ Արմեն Բադալյան